Abaı oblysynda 9 ýchaskede órt sóndirý jumystary jalǵasýda
Memlekettik órtke qarsy qyzmet organdarynyń kúshteri men quraldary orman sharýashylyǵyna órtti joıýǵa járdemdesýde.
Qazirgi ýaqytta órtti sóndirýge TJM, Orman sharýashylyǵy komıtetinen, jergilikti atqarýshy organdardan jáne Qorǵanys mınıstrliginen 1000-nan astam adam, shamamen 252 birlik tehnıka jumyldyrylǵan.
«11 tikushaq tartyldy, órt aýmaǵyn aerovızýaldy tekserý jáne órt oshaqtaryna sý aǵyzý júzege asyrylýda. Qazirgi ýaqytta tańǵy saǵat 6.00-den bastap órt oshaqtaryna áýeden 164 ret sý tógildi, jalpy kólemi 410 tonnany quraıdy. Órtti sóndirý jumystary bastalǵannan beri órt oshaqtaryna áýeden 263 ret sý tógildi, jalpy kólemi 590 tonnany quraıdy. Áýeden barlaý nátıjesinde jekelegen ýchaskelerde ormannyń tómengi bóliginde órt baıqalady», - dep jazdy vedomstvodan.
Qazirgi ýaqytqa deıin jedel jelige 52 qońyraý tústi. TJM jáne TJD jedel jeli telefondary: 8 7172 53 32 84, 8 722 235 38 31.
Jetisý jáne Qaraǵandy oblystarynan jiberilgen kúshter men quraldar órtti sóndirýge kiristi. Al Almaty qalasy, Almaty oblysy TJD, Qaraǵandy men Almaty oblystarynan QR TJM 52859 jáne 28237 áskerı bólimderdiń qyzmetkerleri, sondaı-aq jyljymaly basqarý pýnkti órt ornyna bara jatyr.
