Abaı oblysynda 7 jasar balanyń basy avtobýs esigine qysylyp qalǵan
«Áıel adamnyń aıtýynsha, júrgizýshi jolaýshylardyń tolyq túskenine kóz jetkizbesten, esikterdi jaýyp tastaǵan. Saldarynan 7 jasar bala esikke qysylyp qalǵan. Al júrgizýshi qozǵala bastaǵan kezde balanyń denesi tolyǵymen syrtta qalyp ketken. Osylaısha ol balanyń ómiri men densaýlyǵyna qaýip tóndirdi.
Abaı oblysynyń Polıtsııa departamenti 5 aqpan kúni Hyundai avtobýsynyń 56 jastaǵy júrgizýshisine qatysty jolaýshylardy tasymaldaý erejelerin saqtamaǵany úshin QR Ákimshilik quqyq buzýshylyq týraly kodeksiniń 593-baby 1-bóligimen ákimshilik hattama toltyrdy», - delingen polıtsııa habarlamasynda.
Aıta keteıik, atalǵan bap 5 AEK, ıaǵnı 17250 teńge mólsherinde ákimshilik aıyppul tóleýdi qarastyrady.
Oqıǵa jóninde áleýmettik jelidegi pablıkterdiń birinde jazyldy. Avtobýs balany birneshe metr jerge súıregen. Anasynyń aıtýynsha, ol balany jibermeı ustap turǵandyqtan, dóńgelek astyna túsip qalýdan aman qalǵan.
Foto: https://t.me/POLICE_of_KZ
