Abaı oblysynda 400-den astam adamǵa jeke kásibin ashýǵa grant berildi

SEMEI. QazAqparat – Abaı oblysynda bıyl 400-den astam adamǵa jeke kásibin ashýǵa grant berildi, dep habarlaıdy QazAqparat tilshisi.

Oblys ákimdiginiń málimetine súıensek, óńirde bıyl «Bastaý bıznes» jobasynyń kásipkerlik negizderi kýrsy boıynsha 2 627 adam oqýǵa jiberilgen.

«Úmitkerlerdi qabyldaý jáne oqytý turaqty negizde júrgiziledi. Búgingi tańda 1 859 adam oqýdy aıaqtady. 406 adamǵa jeke kásibin ashýǵa 400 AEK mólsherinde grant berildi. Al jastarǵa 191 grant berilgen», - delingen aqparatta.

Áleýmettik turǵyda osal sanattaǵy azamattar 215 grant aldy. Eńbek resýrstarynyń utqyrlyǵyn arttyrý sheńberinde 2022 jyly Abaı oblysyna 302 qonys aýdarýshy men qandastardy qabyldaý kvotasy bólindi.

«Jyl basynan beri qandastar men qonys aýdarýshylardan 264 otbasy kvotaǵa engizildi. Bólingen kvotalar boıynsha jumystar jyl sońyna deıin aıaqtalady», - delingen habarlamada.