Abaı oblysynda 40 myńǵa jýyq oqýshy tegin tamaqpen qamtylady
Abaı oblysy ákimdiginiń málimetine súıensek, óńirdegi bilim berý uıymdarynda aldaǵy qyrkúıek aıynan bastap bastaýysh synyp oqýshylary áleýmettik jaǵdaıyna qaramastan tegin ystyq tamaqpen qamtamasyz etiledi. Bul maqsatta jergilikti bıýdjetten 1,2 mıllıard teńgege jýyq qarajat bólindi.
«Oblys boıynsha barlyǵy 40 myńǵa jýyq bala tegin tamaqpen qamtylady. Qazirgi ýaqytta daıyndyq jumystary júrgizilip, as máziri bekitilip jatyr. Mázirde quramynda balalardyń jasyna, fızıologııalyq qajettilikterine sáıkes keletin tamaq ónimderi bolýy tıis. Sondaı-aq bastaýysh synyp oqýshylarymen qatar balabaqshadaǵy kópbalaly otbasynan shyqqan 5700 bala tegin tamaqtanady», - delingen aqparatta.
Jumys barysyn tekserý maqsatynda mektepterde Abaı oblystyq Bilim basqarmasynyń qyzmetkerleri, sanıtarlyq-epıdemıologııalyq qyzmet ókilderi men ata-analar kiretin monıtorıngtik top qurylmaq.
Eske salsaq, osyǵan deıin Abaı oblysynda «Mektepke jol» aktsııasy aıasynda 900-den astam balany demeýshiler mektepke daıyndaıtyndyǵyn habarlaǵan edik.
