Abaı oblysynda 3 ınvataksı kóligi paıdalanýǵa berildi
Jyl basynda Abaı oblysyna «Samruk-Kazyna Trust» áleýmettik jobalardy damytý qory tarapynan 3 ınvataksı kóliginiń sertıfıkaty tabystalǵan bolatyn.
Búgingi kúni ınvataksı kóliginiń kilti Oblystyq múmkindigi shekteýli jandarǵa arnalǵan sport klýbyna, Úrjar aýdandyq balalarǵa arnalǵan arnaıy áleýmettik qyzmet kórsetý ortalyǵyna jáne Oblystyq múgedektigi bar adamdardy abılıtatsııalaý jáne ońaltý ortalyǵyna tabystaldy. Atalǵan kólik barlyq standarttarǵa sáıkes jabdyqtalǵan, múgedektigi bar adamdarǵa arnalǵan arba kótergishi bar. Otandyq SemAZ JShS bazasynda jasalyp shyqqan.
«Alynǵan kólikterdiń arqasynda qyzmet alýshylardy sporttyq, merekelik sharalarǵa, ońaltý ortalyǵyna ýaqtyly tasymaldaýǵa úlken yqpaly tıedi. Mysaly, Úrjar aýdanyndaǵy balalar ortalyǵynda tek ǵana aýdan ortalyǵy ǵana emes kórshiles aýyldardan kelip balalar áleýmettik qyzmet alady. Semeıdegi ońaltý ortalyǵyna da tasymaldaýdy uıymdastyrý úshin qosymsha kómek bolady», - deıdi Abaı oblysynyń jumyspen qamtý jáne áleýmettik baǵdarlamalardy úılestirý basqarmasynyń basshysy Aınur Sultanova.
Jalpy Abaı oblysynda 25 myńdaı múgedektigi bar jandar bar, onyń 3000-y balalar. Sondaı-aq, aımaqta «Invataksı» qyzmetiniń 16 avtokóligi (Semeı q.-12, Aıagóz q. -3, Jarma -1) jumys isteıdi. Olar múgedektigi bar, júrip-turýy qıyn 1540 adamdy tasymaldaý qyzmetin qamtamasyz etedi.
