Abaı oblysynda 2026 jylǵa deıin 9 balabaqsha salynady

SEMEI. QazAqparat – Abaı oblysynda 2026 jylǵa deıin 9 balabaqsha salynbaq, dep habarlaıdy QazAqparat tilshisi.

Abaı oblystyq bilim basqarmasynyń málimetine súıensek, 2026 jylǵa deıin óńir boıynsha memlekettik-jeke menshik áriptestik aıasynda 2100 orynǵa arnalǵan 9 balabaqsha ashylady.

Sonymen qatar «Jaıly mektep» ulttyq jobasy aıasynda 5 700 orynǵa arnalǵan 11 jańa mektep salý josparlanýda.

«2023 jyly Semeıde 3000 orynǵa arnalǵan 5 mektep, Vodnyı kentinde 600 oryndyq, Aıagóz aýdanynda 600 oryndyq, Aqsýat aýdanynda 300 oryndyq, Besqaraǵaı aýdanynda 300 oryndyq mektepterdiń qurylys bastalady. Al 2024 jyly Semeıde 6 mektep, Jarma aýdany Qalbataý aýylynda, Aıagóz aýdany Aqtoǵaı aýylynda, Aqsýat aýdany Ekpin aýylynda bilim ordalarynyń qurylysy júrgiziledi, - dedi basqarma basshysy Nurjan Ahmetqalıev.