Abaı oblysynda 2 tonnadan astam dızeldi zańsyz tasymaldaý faktisi anyqtaldy
Abaı oblystyq Polıtsııa departamenti baspasóz qyzmetiniń málimetine súıensek, tártip saqshylary «Omby-Maıqapshaǵaı» tasjolynyń 829-shaqyrymynda Kókpekti aýdanynyń 44 jastaǵy turǵyny basqaryp kele jatqan GAZ-27390 kóligin toqtatty.
«Tekserý barysynda júrgizýshi óz kóliginde jalpy kólemi shamamen 2 tonna 600 lıtr dızel otynyn tıisti qujattarsyz tasymaldaǵany anyqtaldy. 44 jastaǵy zań buzýshyǵa qatysty QR ÁQBtK-niń 571-baby 3-bóligi (Jolaýshylardy, bagajdy jáne júkterdi tasymaldaý qaǵıdalaryn buzý) boıynsha ákimshilik hattama toltyryldy», - delingen aqparatta.
Aıta keteıik, osy baptyń sanktsııasymen jeke tulǵalarǵa – on, shaǵyn kásipkerlik sýbektilerine – 15, orta kásipkerlik sýbektilerine – 20, iri kásipkerlik sýbektilerine-elý aılyq eseptik kórsetkish mólsherinde aıyppul salynady.
