Abaı oblysynda 11 «jaıly mektep» salynady

SEMEI. QazAqparat – Ortalyq kommýnıkatsııalar qyzmetiniń kóshpeli brıfıngisinde Abaı oblysynyń ákimi Nurlan Uranhaev mektep tapshylyǵy máselesi qalaı sheshiletinin aıtty, dep habarlaıdy QazAqparat tilshisi.

«Mekteptegi oryn tapshylyǵyn azaıtý úshin oblys boıynsha 2022 jyly 1 700 oryndyq 4 mektep salyndy. Jeke ınvestıtsııalar esebinen Semeı qalasynda 650 oqýshyǵa arnalǵan 1 mektep ashyldy.

«Jaıly mektep» pılottyq ulttyq jobasy aıasynda 2023-2025 jyldary 5 700 oryndyq 11 mekteptiń qurylysy josparlanǵan. Bıyl 5 mekteptiń qurylysy bastalady.

Osy jyly oblys ortalyǵynda «KAZ Minerals Management» JShS qarajaty esebinen 1 200 oryndyq mekteptiń qurylysy bastaldy.

2025 jylǵa deıin Bilim berý ınfraqurylymyn qoldaý qorynyń qarajaty esebinen 6 shaǵyn jınaqtalǵan mektep, jumys istep turǵan mektepterge 6 qosymsha qurylys salynady. Balalardy qosymsha bilimmen qamtýdy odan ári arttyrý maqsatynda kópfýnktsıonaldy Oqýshylar saraıyn salý josparlanyp otyr», - dedi ákim.

Sondaı-aq ol jańa oqý jylynda Shákárim ýnıversıtetinde tilderdi tereńdetip oqytýǵa baǵyttalǵan «Shakarim High School» jáne Á.Bókeıhan ýnıversıtetinde «Abay IT-School» mektepteri ashylatynyn aıtty.

«Oblystyń joǵary oqý oryndaryna qosymsha 500 bilim granty bólindi», - dedi Nurlan Uranhaev.