Abaı oblysynan Senat depýtattyǵyna eń kóp daýys jınaǵan kandıdattar kim

SEMEI. QazAqparat – QR Parlamenti Senatynyń depýtattyǵyna Abaı óńirinen eki kandıdat saılanady, dep habarlaıdy QazAqparat tilshisi.

Úmitkerlerdiń biri 2017 jylǵy 28 maýsymda saılanǵan depýtattyń, ekinshisi 2020 jylǵy 12 tamyzda saılanǵan depýtattyń ókilettik merzimine. Jalpy oblys boıynsha 11 adam depýtattyqqa óz kandıdatýrasyn usynǵan.

Búgin ótken saılaýda eń kóp daýys jınaǵan kandıdattar – Baqytjan Baıahmetov pen Aınur Arǵynbekova. Abaı oblysynda tańdaýshylardyń jalpy sany 127 adam bolsa, onyń 112-si bıýlleten alyp, óz tańdaýyn jasaǵan.

Úmitkerlerdiń jınaǵan daýys sany: Baqytjan Baıahmetov – 91, Aınur Arǵynbekova – 7, Anjela Maslova – 6, Meıramgúl Ábilǵazınova – 1, «Bárine qarsymyn» belgisin tańdaǵandar joq, jaramsyz dep tanylǵan bıýlletender sany – 7.

Aıta keteıik, Baqytjan Kákenqajyuly Semeı qalasynyń ákimi laýazymyn atqarady, al Aınur Serikpaıqyzy «Qaınar» joǵary kolledjiniń dırektory bolyp jumys isteıdi.

Buǵan deıin QR Ortalyq saılaý komıssııasy jańadan qurylǵan 3 oblystan senatorlardy saılaýdyń aldyn ala qorytyndysyn jarııalaǵan bolatyn.