Abaı oblysyna Jetisý óńirinen órt sóndirýshiler attandy

TALDYQORǴAN. QazAqparat – Abaı oblysyna Jetisý óńirinen órt sóndirýshiler attandy, dep habarlaıdy QazAqparat tilshisi.

Abaı oblysyndaǵy alapat órtti sóndirýge Jetisý oblystyq Tótenshe jaǵdaılar departamentiniń qyzmetkerleri de attandy. 28 adam men 10 tehnıka Taldyqorǵan qalasynan jolǵa shyqty. Top quramynda Órt sóndirý jáne apattyq qutqarý qyzmetiniń 20 órt sóndirýshisi men 8 qutqarýshysy bar.

«9 arnaıy órt sóndirý mashınasy men bir jedel-shtabtyq basqarý kesheni jóneltildi», - dep málimdedi Jetisý oblystyq Tótenshe jaǵdaılar departamentiniń baspasóz qyzmetinen.

Eske salaıyq, «Semeı» ormany rezervatynda órt 8 maýsym kúni shyqqan bolatyn.

Abaı oblysy ákiminiń orynbasary Dımıtrıı Garıkovtyń aıtýynsha, órt 2 ret túsken naızaǵaıdan tutanǵan.