Abaı oblysy men Shyńjań-Uıǵyr avtonomııa aýdany baýyrlas óńirler atandy
Abaı oblysy ákimdigi baspasóz qyzmetiniń málimetine súıensek, onlaın formatta ótken «Qytaı-Eýrazııa» VII EKSPO kórmesi barysynda eki óńirdi baýyrlas atandyrǵan hattamaǵa qol qoıyldy.
«Jańadan qurylǵan Abaı oblysy QHR-men shekaralas jatyr. Biz Qytaımen aımaqaralyq qarym-qatynasty nyǵaıtýǵa múddelimiz. Ol úshin aımaǵymyzda ózara tıimdi ekonomıkalyq yntymaqtastyqty odan ári tereńdetý úshin barlyq alǵysharttar bar», - dedi oblys ákimi Nurlan Uranhaev.
Kórshi tarap Qazaqstannyń Qytaı men Reseı arasyndaǵy kópir ekendigin atap ótti.
«Aıagóz-Tachen baǵyty boıynsha temirjol qurylysy jobasynyń bolashaǵy zor. Keıbir ákimshilik rásimderdi jeńildetý úshin «Baqty» shekara beketinde jedeldetilgen tekserý rejımi engizildi. Jeke kólikterdiń qytaı tilinde shekaradan ótý algorıtmderi ázirlengen», - delingen habarlamada.
