Abaı oblystyq veterınarııa basqarmasy juqpaly aýrýlardyń taralýyn baqylaýǵa aldy

SEMEI. QazAqparat - Abaı oblysynyń veterınarııa basqarmasy men oǵan baǵynysty veterınarııalyq qyzmetteriniń basty mindetteriniń biri – tórt túlik pen úı janýarlaryn asa qaýipti aýrýlar juqtyrýdan jáne taralýynan qorǵaý, sonymen birge ınfektsııalyq aýrýlardan turaqty epızootııalyq qaýipsizdikti qamtamasyz etý, dep habarlaıdy QazAqparat tilshisi.

Abaı oblysynyń veterınarııa basqarmasynyń málimetterine sáıkes, bıylǵy birinshi jartyjyldyqtyń qorytyndysynda óńirde brýtsellez aýrýynyń tirkelýi tómendegeni baıqalady.

«2022 jyldyń osy kezeńimen salystyrǵanda bıyl iri qara maldyń brýtsellezi 57,5 paıyzǵa, al usaq maldyń aýrýlary 40,8 paıyzǵa tómendedi. Qazirgi ýaqytta Abaı oblysynda asa qaýipti aýrýlarǵa qarsy veterınarııalyq aldyn alý is-sharalary jyldyq josparǵa sáıkes júrgizilip jatyr. Aýyldyq okrýgterdegi veterınarııa pýnktteriniń kópshiligi kúrdeli jóndeýdi nemese jańa ǵımarattar salýdy talap etedi. Osyǵan baılanysty bul másele 2024-2027 jyldarǵa arnalǵan oblys kóleminde veterınarııany damytýdyń strategııalyq josparyna engizildi», - dep habarlaǵan bolatyn Abaı oblysy ákimdiginiń baspasóz qyzmetinen.

Bıyl Abaı oblysynyń ákimi Nurlan Uranhaevtyń tapsyrmasyna sáıkes, veterınarııa salasyndaǵy is-sharalardy ýaqtyly jáne sapaly oryndaý maqsatynda qosymsha 253 qural satyp alý josparlanǵan.

Abaı oblysynyń aýmaǵynda búginde 137 mal soıý nysany jumys isteıdi. Sonymen qatar, oblystyń eldi mekenderinde 153 mal qorymy bar, onyń ishinde 66 tıptik jáne qalǵan 87-si qarapaıym nysan bolyp sanalady.

Qazaqstan Respýblıkasynyń Aýyl sharýashylyǵy mınıstriniń 2022 jylǵy 9 qarashadaǵy buıryǵyna sáıkes, jyl basynan beri oblystyń veterınarııa qyzmeti salasynda eńbek etetin mamandarynyń jalaqysy 50 paıyzǵa ósken bolatyn.

Abaı oblysynyń veterınarııa basqarmasy juqpaly aýrýlardyń paıda bolýy men taralýyna jol bermeý, sonymen birge Abaı oblysy aýmaǵynda veterınarııa-sanıtarııa qaýipsizdigin qamtamasyz etýdi turaqty baqylaýyna alǵan.

Aıta keteıik, buǵan deıin habarlanǵanyndaı Abaı oblysynyń veterınarııa basqarmasy Qazaqstan Respýblıkasynyń janýarlarǵa jaýapkershilikpen qaraý týraly zańnamasynyń talaptaryn oryndaý maqsatynda Abaı oblysynda úı janýarlaryn esepke alý boıynsha merdiger mekemeni anyqtaǵan bolatyn. Merdiger kompanııa tarapynan «TAÑBA» janýarlardy esepke alýdyń aqparattyq júıesi paıdalanýǵa berilgen edi.