Abaı oblystyq kóshi-qon qyzmeti basqarmasynyń bastyǵy sottaldy

ASTANA. KAZINFORM – 8 tamyzda Semeı qalasynyń №2 soty Abaı oblysy PD Kóshi-qon qyzmeti basqarmasynyń bastyǵy G.Dónenbaevaǵa, osy basqarmanyń erekshe tapsyrmalar jónindegi aǵa ınspektory R.Sadyqovqa jáne Semeı qalasy PB Kóshi-qon qyzmeti bóliminiń ınspektory A.Nurahmetovaǵa qatysty úkimin jarııalady.

«Dónenbaeva Nurahmetovany atqaratyn laýazymyna taǵaıyndaǵany úshin Sadyqova arqyly 1 000 AQSh dollary kóleminde para alǵan.

Dónenbaeva 4 jylǵa, Nurahmetova 3 jylǵa, Sadyqov 3 jyl 6 aıǵa bas bostandyǵynan aıyryldy.

Sonymen qatar sottalǵandar arnaýly ataqtardan jáne memlekettik qyzmette jáne kvazımemlekettik sektor sýbektilerinde laýazymdardy atqarý quqyǵynan aıyryldy», — dep jazdy Antıkordan.

Úkim zańdy kúshine engen joq.