Abaı oblysynyń turǵyny 49 ret jol erejesin buzyp, 1,2 mln teńge aıyppul arqalaǵan

ASTANA. KAZINFORM — Abaı oblysy polıtsııa qyzmetkerleri bir aptanyń ishinde 49 ret jol erejesin buzyp, 1,2 mıllıon teńge aıyppulǵa ıe bolǵan Chevrolet Cobalt kóliginiń júrgizýshisin ustady. Bul týraly Abaı oblystyq PD baspasóz qyzmeti málim etti.

«Qorǵaý» avtomattandyrylǵan júıesiniń kómegimen jol erejesin jıi buzǵan júrgizýshi anyqtaldy.

Zań talaptaryn elemegeni úshin onyń kóligi tárkilenip, aıyppul turaǵyna qoıyldy.

— Polıtsııa qyzmetkerleri jol erejelerin júıeli túrde buzý jol qozǵalysynyń qaýipsizdigine qater tóndiretinin eskertedi. Erejelerdi óreskel buzýshylarǵa qatysty kólikti tárkileýge deıingi qatań sharalar qoldanylady, — delingen habarlamada.

Eske salsaq, budan buryn Abaı oblysynyń halqy kómir baǵasynyń qymbattyǵyna shaǵymdanǵany anyqtaldy.