Abaı oblysynyń prokýratýrasy agroındýstrııalyq klaster ınvestorynyń quqyqtaryn qorǵady
SEMEI. KAZINFORM – Abaı oblysynyń prokýratýrasy agroındýstrııalyq klaster qurý jobasyna qatysatyn ınvestordyń quqyqtaryn qorǵady. Bul is Investorlardyń quqyqtaryn qorǵaý komıtetiniń úılestirýimen júrgizildi.
Jobanyń jalpy quny shamamen 50 mıllıard teńgeni quraıdy jáne 150 turaqty jumys ornyn ashýǵa múmkindik beredi.
Tekserý barysynda ýákiletti organdardyń ınvestorǵa jer ýchaskelerin rásimdeýden negizsiz bas tartqany anyqtaldy. Prokýratýranyń aralasýymen barlyq ákimshilik kedergi joıylyp, ınvestor jobany qalypty jaǵdaıda jalǵastyra aldy. Sonymen qatar kináli laýazymdy tulǵalar zań aldynda jaýapqa tartyldy.
Atalǵan agroındýstrııalyq klasterdiń iske asyrylýy óńir ekonomıkasynyń damýyna yqpal etip, jergilikti turǵyndar úshin jańa jumys oryndaryn qurýǵa septigin tıgizedi.
Aıta ketsek, osyǵan deıin Abaı oblysynda «tıimdi ınvestıtsııa» usynyp, azamattardy aldaǵan kúdikti anyqtalǵanyn jazǵan edik.
