Abaı oblysynyń prokýratýrasy 3,4 myń kásipkerdiń quqyǵyn qorǵady
ASTANA. KAZINFORM — Semeı qalasynyń prokýratýrasy «Semeı Vodokanal» MKK-nyń sýmen jabdyqtaý jáne sý burý qyzmetterin kórsetý barysynda 3 400 kásipker men 16 ınvestordyń quqyǵyna áser etken zań buzýshylyqtardy anyqtady.
«Semeı Vodokanal» MKK-nyń úlgilik sharttarynda zańnamada kózdelgen sý esepteýish quraldaryn 10 kún ishinde plombalaý jónindegi mindetti talap eskerilmegen.
Sonyń saldarynan qyzmet kórsetý merzimi negizsiz sozylyp, kásipkerler men ınvestorlardyń quqyǵy buzylýy múmkin edi.
Prokýratýranyń aralasýynan keıin 1641 kásipkermen jáne 16 ınvestormen jasalǵan sharttar zań talaptaryna sáıkestendirildi.
Qazirgi ýaqytta taǵy 1 759 kásipkerdiń quqyǵy qorǵalyp, qujattar rettelip jatyr.
Aıta ketelik prokýratýra 21 myńnan astam sportshynyń quqyǵyn qorǵaǵan edi.
