Abaı oblysynyń polıtseıleri 100-den astam kólikten turatyn avtotizbekke jol kórsetti
SEMEI. KAZINFORM — Abaı oblysynda úsh kúnnen beri aýa raıy qolaısyzdyq týdyryp tur. Respýblıkalyq joldardyń jekelegen ýchaskelerinde kólikterdiń qozǵalysyna shekteý qoıylyp, keıbir joldar tolyq jabylǵan.
Aýa raıynyń qolaısyzdyǵyna baılanysty júrgizýshiler jolda biraz turyp qaldy. Jol qaýipsizdigin qamtamasyz etý úshin polıtsııa qyzmetkerleri kólikter kolonnalaryn uıymdastyryp, joldyń qaýipti ýchaskeleri arqyly alyp júrdi.
Osylaısha, «Qalbataý» ótkizý beketinde Kókpekti baǵytynda 100-den astam kólikten turatyn avtokolonna jasaqtaldy. Arnaıy tehnıkalar men polıtsııanyń patrýldik kóligi alǵa shyǵyp, jolaýshylardyń qaýipsiz ótýin qamtamasyz etti.
Polıtseıler qozǵalysty bastamas buryn júrgizýshilerge nusqaýlyqtar taratty.
— Júrgizýshilerge eskertý jasaldy. Basyp ozýǵa tyıym salynyp, jol qozǵalysy qatań baqylaýǵa alyndy. Aldymen jeńil kólikter keldi, sosyn jolaýshylar avtobýsy, sońynan júk kólikteri ilesti, — dedi patrýl qyzmetkeri.
Polıtsııa qyzmetkerleriniń súıemeldeýimen júrgizýshiler aımaqtaǵy eń qaýipti jol ýchaskeleriniń biri Baıbýra asýynan aman-esen ótti. Kolonna Kókpektige aman-esen jetti.
Aýa-raıynyń qolaısyzdyǵyna qaramastan, sapar barysynda barlyq qaýipsizdik talaptary saqtaldy. Polıtsııa qyzmetkerleri nusqaýlardy oryndaý qolaısyz aýa raıy jaǵdaıynda mindetti qaýipsizdik sharasy ekenin basa aıtty.
Buǵan deıin Pavlodarda kóktaıǵaqqa baılanysty eki birdeı respýblıkalyq jol jabylǵanyn jazdyq.