Abaı oblysynyń halqy kómir baǵasynyń qymbattyǵyna shaǵymdandy

SEMEI. KAZINFORM – Abaı oblysynyń turǵyndary kómir baǵasynyń tym qymbattyǵyn aıtyp shaǵymdanyp jatyr. Shalǵaıdaǵy aýyl halqyna tipten qıyn.

Óńirdiń shalǵaı aýyldarynda bıyl kómir baǵasy taǵy qymbattady. Jańadan qurylǵan Aqsýat aýdanynyń turǵyndary qatty otyndy tam-tumdap satyp alýǵa májbúrmiz dep shaǵymdandy.

Sebebi aqshalary kómirdi birden qajetti kólemde satyp alýǵa jetpeı qalady. 

«Kómir baǵasy tym qymbat. Byltyr tonnasy 28 myń teńge tursa, osy jyly 30 myńǵa jetti. Nege qymbattaı beredi? Qaltamyzdy ábden qaqty. Aýylda halyqtyń tabysy tómen. Maldan basqa kúnkóris joq», - deıdi Aqsýat aýylynyń turǵyny Qaırat Saǵyndyqov.

Búginde Aqsýat aýdanynda 19 myńnan astam adam turady. Jergilikti jurtqa jylytý maýsymynda barlyǵy 25 myń tonnaǵa jýyq qatty otyn qajet.

«Kómirdiń baǵasy birneshe faktorǵa baılanysty bekitiledi. Onyń ishindegi eń bastysy – logıstıka. Jeke tasymaldaýshylar kómirdi Jarma aýdanynan óz qarajatyna 500 shaqyrym jerdegi Aqsýatqa jetkizedi. Sondyqtan jol shyǵyndary kómir baǵasyna qosylady. Dese de baǵanyń qymbattaýyn tejeý úshin jetkizýshilermen kelissózder júrgizip jatyrmyz», - deıdi Aqsýat aýdany ákiminiń mindetin atqarýshy Ersin Eskendirov.

Eske salsaq, osyǵan deıin Ónerkásip mınıstrligi Eýropa men kórshiles memleketterde kómridiń quny Qazaqstanmen salystyrǵanda eki ese qymbat ekendigin habarlaǵan.