Abaı oblysynyń bilim basqarmasy basshynyń mindetin atqarýshy taǵaıyndaldy
ASTANA. KAZINFORM — Abaı oblysy ákiminiń 2025 jylǵy 28 sáýirdegi №131-jq ókimimen Abaı oblysynyń bilim basqarmasy basshysynyń mindetin atqarýshy bolyp Týlenov Baýrjan Altaevıch taǵaıyndaldy. Bul týraly Abaı oblysy bilim basqarmasynyń baspasóz qyzmeti habarlady.
Týlenov Baýrjan Altaıuly 1979 jyldyń 21 naýryzynda Soltústik Qazaqstan oblysy Tımırıazevo aýylynda dúnıege kelgen.
Eńbek jolyn 2000 jyldyń qyrkúıeginde Soltústik Qazaqstan oblysy Tımırıazev aýdany Jarken orta mektebinde ınformatıka pániniń muǵalimi retinde bastap, 2025 jylǵa deıin túrli qyzmetter atqardy.
2002–2006 jyldary Shal aqyn aýdany Qazaq tirek mektebinde fızıka páni muǵalimi, 2006–2009 jyldary Soltústik Qazaqstan oblystyq daryndy balalarǵa arnalǵan Abý Dosmuhambetov atyndaǵy gımnazııa-ınternatynda fızıka páni muǵalimi, keıin ǵylymı-ádistemelik jumys jónindegi dırektordyń orynbasary, Soltústik Qazaqstan oblysy Esil aýdanynyń Nıkolaev orta mektebinde fızıka pániniń muǵalimi, keıin osy mekteptiń dırektory, Qostanaı qalasyndaǵy fızıka-matematıka baǵytyndaǵy Nazarbaev Zııatkerlik mektebinde fızıka páni muǵalimi, Petropavl qalasyndaǵy hımııa-bıologııa baǵytyndaǵy Nazarbaev Zııatkerlik mektebinde oqý isi jónindegi dırektordyń orynbasary, ǵylymı-ádistemelik jumys jónindegi dırektordyń orynbasary, Qyzyljar aýdanynyń Qyzyljar Abaı orta mektebiniń dırektory.
Taǵaıyndalǵan deıin Astana qalasyndaǵy Álıhan Bókeıhan atyndaǵy BINOM mektebiniń dırektory qyzmetin atqardy.
2025 jylǵy 28 sáýirden bastap Abaı oblysynyń bilim basqarmasy basshysynyń mindetin atqarýshy qyzmetine kiristi.
Jalpy eńbek ótili - 24 jyl.
Aıta ketelik Semeı qalasy ákiminiń jańa orynbasary taǵaıyndalǵan edi.