Abaı oblysynyń Aıagóz aýdanynda órt saldarynan birqatar eldi meken jaryqsyz qaldy

SEMEI. KAZINFORM - Aıagóz aýdanynyń 101 tótenshe jaǵdaı arnasyna «Birikken energoservıstik kompanııasy» AQ-na qarasty elektr jabdyqtaý stantsııasynyń janyp jatqany týraly habarlama kelip tústi, dep habarlaıdy ákimdiktiń baspasóz qyzmeti.

Órt sóndirý jumystaryna 4 ATs órt sóndirý kóligi, 15 qyzmetkeri jumyldyryldy.

Júrgizilip jatqan jumystyń nátıjesi boıynsha saǵat 23:59-da órt oqshaýlandy, zardap shekkender joq. Qazirgi ýaqytta órttiń sebebin anyqtaý boıynsha jumystar júrgizilýde.

Qalpyna keltirý jumystary nátıjesinde Mamyrsý aýyldyq okrýgi jáne Aıagóz qalasynan basqa barlyq aýyldyq okrýgter elektr energııasymen tolyq qamtamasyz etildi.

Qala boıynsha birinshi kezekte ortalyqtandyrylǵan 6 jylý qazandyǵyn iske qosý jumystary qolǵa alynyp, qazirgi tańda 5-ýi iske qosyldy. 1-in qosý juystary júrgizilýde. Turǵyndarǵa elektr qýatyn berý jumystaryn «Birikken energoservıstik kompanııasy» AQ qyzmetkerleri aqaýdy joıý jumystaryn atqarýda.

«BESK» AQ Úrjar, Jarma aýdandary men Óskemen jáne Semeı qalalarynan kelgen 7, sondaı-aq Aıagózden 3 brıgada jóndeý jumystaryn júrgizýde. Qalpyna keltirý jumystaryna barlyǵy 30-ǵa jýyq maman jumyldyryldy.

Osyǵan deıin Qyzylordadaǵy bes qabatty turǵyn úıden órt shyǵyp, 43 adam evakýatsııalanǵany týraly jazdyq.