Abaı oblysynyń ákimi turǵyndardy referendýmǵa qatysýǵa shaqyrdy
SEMEI. KAZINFORM — Abaı oblysynyń ákimi Berik Ýálı óńir turǵyndaryna aldaǵy respýblıkalyq referendýmǵa baılanysty beıneúndeý jasady.
Aımaq basshysy óz sózinde Prezıdent Qasym-Jomart Kemeluly Toqaevtyń júrgizip kele jatqan saıası reformalarynyń aıasyndaǵy jańa Konstıtýtsııa jobasynyń tereń saralanǵan, álemdik úzdik tájirıbelerdi eskergen, ulttyq múddeni jáne adam quqyǵyn tolyq qorǵaýǵa baǵyttalǵan sapaly qujat ekenin atap ótti.
Berik Ýálı óz beıneúndeýinde uly tulǵalar dúnıege kelgen, kúlli qazaq dalasyna rýhanı sáýle shashqan tuńǵyshtar mekeni — Abaı eliniń jurtshylyǵy taǵdyrsheshti sátte azamattyq belsendilik tanytatynyna senim bildirdi.
— Biz búgin birligimiz ben jaýapkershiligimizdi kórsetetin mańyzdy sáttiń aldynda turmyz. Sondyqtan barlyqtaryńyzdy osy jeksenbide ótetin respýblıkalyq referendýmǵa belsendi qatysyp, elimizdiń jarqyn bolashaǵy men Ádiletti Qazaqstandy qalyptastyrý jolynda durys tańdaý jasaýǵa shaqyramyn, — dedi oblys ákimi.