Abaı oblysyndaǵy joldardyń 70 paıyzy bıyl jóndeledi

ASTANA. KAZINFORM – Abaı oblysynda 584 shaqyrym jolda qaıta jańartý jumystary júrgizilip jatyr, dep jazdy QazAvtoJol.

Sonymen qatar 250 shaqyrym jol ortasha jóndeýden ótýde. Ásirese jyldar boıy qaraýsyz qalyp, tozyǵy jetken tas joldar retke keltirilýde.

«QazAvtoJol» mamandary jaqynda ortasha jóndeýden ótken «Óskemen-Semeı» baǵytynyń bir bóligin qoldanysqa berdi. Bul jol Abaı oblysy Shyǵys Qazaqstannan bólingeli jóndelmeı kelgen. Táýligine 6 myńnan astam kólik qatynaıtyn respýblıkalyq trassadaǵy jumystar kelesi jyly da jalǵasady.

Al qurylysy uzaqqa sozylyp ketken «Qalbataý-Maıqapshaǵaı» kúre jolynda asfalt tóseý tolyq aıaqtaldy.

Joldardyń sapasyn qoǵam belsendileri men sala mamandary qadaǵalap otyr. Jyl basynan beri 200-den astam tekserý júrgizilip, jol qurylysyna paıdalanylǵan materıaldardan myńǵa jýyq synama alynǵan.

«QazAvtoJol» UK AQ fılıalynyń dırektory Aıbek Amanbekovtyń aıtýynsha, bıyl Kókpektiden Maıqapshaǵaıǵa deıingi aralyq tolyq qosyldy.

- Qazir sońǵy qabat tóseý jumystary aıaqtalýda. Kelesi jyly 522 shaqyrym joldy jóndeý josparlanǵan. «Óskemen-Semeı» baǵyty tolyqtaı ortasha jóndeýden ótedi. Buǵan qosa, Reseı shekarasyna shyǵatyn eki ýchaske boıynsha jumystar júrgizý kózdelip otyr, - dedi ol.

Aıta keteıik, jasandy ıntellekt jol sapasyn baqylaıdy.