Abaı oblysyndaǵy jol apatynan keıin Prezıdent tapsyrmasymen áskerı ushaq attandy
ASTANA. KAZINFORM – Abaı oblysynda bolǵan jol-kólik oqıǵasyna baılanysty Memleket basshysynyń tapsyrmasy boıynsha zardap shekkenderge shuǵyl medıtsınalyq kómek kórsetý úshin áskerı ushaq jiberildi.
Densaýlyq saqtaý mınıstrliginiń málimetinshe, Úrjar aýdanynda bolǵan qaıǵyly jaǵdaıdan keıin kómekke S-295 áskerı-kólik avıatsııasynyń ushaǵy attandy. Onyń bortynda reanımatolog, neırohırýrg jáne travmatologtan quralǵan medıtsınalyq brıgada bar.
Oqıǵa Besterek aýylynda tirkeldi.
Aldyn ala derekterge sáıkes, 55 jastaǵy Toyota kóliginiń júrgizýshisi rólge ıe bola almaı, úı qaqpasynyń janynda, joldan 10 metr qashyqtyqta turǵan kámeletke tolmaǵan balalardy qaǵyp ketken.
Polıtsııanyń habarlaýynsha, jol apaty saldarynan eki bala oqıǵa ornynda kóz jumǵan, taǵy bireýi aýrýhanaǵa barar jolda qaıtys bolǵan. Úsh jasóspirim túrli jaraqattarmen medıtsınalyq mekemege jetkizildi.
Júrgizýshi ustalyp, ızolıatorǵa qamaýǵa alyndy. Saraptama onyń apat kezinde mas bolmaǵanyn kórsetti.
Aıta keteıik, Abaı oblysynda zańsyz ornatylǵan jol belgileri alynyp tastaldy.