Abaı oblysyndaǵy jarylys: Polıtsııa tergeý júrgizip jatyr

ASTANA. KAZINFORM — Tergeý barysy Abaı oblysy PD basshylyǵynyń jeke baqylaýyna alyndy, dep habarlaıdy vedomstvonyń baspasóz qyzmeti.

22 qarasha saǵat 10:30 shamasynda Úrjar aýdanynda jylý qazandyǵy jaryldy. Saldarynan qazandyq qyzmetkeri túrli dene jaraqattaryn aldy.

— Osy faktige qatysty eńbek qaýipsizdigi erejelerin buzý boıynsha aldyn ala tergeý bastaldy. Materıaldar arnaıy tergeý júrgizý úshin ýákiletti organǵa jiberildi. Tergeý barysy Abaı oblysy PD basshylyǵynyń baqylaýynda. QR QPK-niń 201-babyna sáıkes ózge aqparattar jarııalanbaıdy, — dedi  Úrjar aýdandyq polıtsııa bólimi JPQB bastyǵy Muhtar Qurmanǵalıev.

Buǵan deıin habarlaǵanymyzdaı, Úrjar aýdanyndaǵy jarylys saldarynan 18 sharshy metr alańdaǵy qazandyqtyń shatyry jartylaı opyrylyp túsken.