Abaı oblysyndaǵy jarylys: Mektepke jańa qazandyq jetkizildi
SEMEI. KAZINFORM – Abaı oblysy Úrjar aýdanynda jarylǵan mektep qazandyǵynyń ornyna jańasy ornatyldy.

Úrjar aýylyndaǵy Baýyrjan Momyshuly atyndaǵy orta mekteptiń avtonomdy qazandyǵy jarylǵan soń eń áýeli aýmaqty qoqystan tazartý jumystary júrgizilgen.
«Sol kezde qosalqy qazandyq iske qosylyp, mekteptegi oqý protsesi úzilgen joq. Bul jylý temperatýrasyn jedel qalpyna keltirýge múmkindik berdi. 23 qarashada tańerteń jańa qazandyq jetkizilip, ornatyldy. Sonymen qatar apat saldarynan zaqymdalǵan qazandyq ǵımaratynyń shatyry qalpyna keltirildi», - dep habarlady Abaı oblysy ákimdiginen.
Qazirgi ýaqytta negizgi qazandyq jumys istep tur. Al qosalqy qazandyq rezervke aýystyrylǵan.

Eske salsaq, 22 qarashada Úrjar aýylyndaǵy Baýyrjan Momyshuly atyndaǵy orta mekteptiń bólek ornalasqan qazandyǵynda jarylys bolyp, ot jaǵýshy kúıip qalǵan. Bul mektepte 943 oqýshy bilim alyp, 117 muǵalim jumys isteıdi. Atalǵan fakti boıynsha polıtsııa tergeý júrgizip jatyr.