Abaı oblysyndaǵy Vodnyı kentinde transformatorlar jańǵyrtyldy
SEMEI. KAZINFORM — Jańa oqý jylynda «Keleshek mektepteri» ulttyq jobasy aıasynda Semeı qalasyndaǵy Vodnyı kentinde 600 oryndyq mektep ashyldy.
Elektr qýatynyń tapshylyǵyna baılanysty qurylysy uzaqqa sozylyp ketken nysannyń qurylysy oblys ákimi Berik Ýálıdiń tapsyrmasynan keıin qarqyndy júrgizilip, qysqa merzimde halyq ıgiligine berildi.
Jańa bilim ordasy elektr jáne baılanys jelileri, sý qubyry, káriz júıesi, jylýmen jabdyqtaýǵa arnalǵan jeke qazandyqpen qamtamasyz etilgen.
Elektr qýatynyń tapshylyǵy máselesin joıý úshin oblystyq bıýdjetten qarjy bólindi. 10000 kV qýattylyǵy bar úsh fazaly 2 jańa transformator qoıylyp, qosymsha 10 kV kerneýli 5 shaqyrym kabel tóseldi. Osynyń nátıjesinde Vodnyı kentindegi mekteppen birge Shyǵys kentinde salynyp jatqan 300 oryndyq mektep te elektr qýatymen tolyq qamtamasyz etiletin bolady. Erekshe atap óterligi, jańa transformatorlardyń qoıylýy 44 myńǵa jýyq turǵyny bar Shyǵys jáne Vodnyı kentterin elektr qýatymen úzdiksiz qamtamasyz etýge múmkindik beredi.