Abaı oblysyndaǵy túzeý mekemesinde janjal bolyp, bir sottalǵan kóz jumdy
ASTANA. KAZINFORM – Abaı oblysyndaǵy erekshe rejımdegi túzeý mekemesinde sottalǵan azamat kóz jumdy. Oqıǵa týraly aqparat áleýmettik jelilerde tarady.
Atalǵan derekti Qylmystyq-atqarý júıesi komıteti rastady. Komıtet málimetinshe, mekemede bir kamerada otyrǵan eki sottalǵan arasynda janjal shyqqan. Tóbeles barysynda olardyń biri ekinshisine dene jaraqatyn salyp, saldarynan jábirlenýshi qaıtys bolǵan.
- Atalǵan fakti boıynsha «Adam óltirý» babymen qylmystyq is qozǵaldy. Kúdikti ýaqytsha ustaý ızolıatoryna qamaldy.
Qazirgi ýaqytta tergeý jáne tekserý amaldary júrgizilip jatyr. Mekemedegi jaǵdaı turaqty. Tergeý barysy Qylmystyq-atqarý júıesi komıteti basshylyǵynyń baqylaýynda, - delingen aqparatta.
Eske sala keteıik, 2025 jylǵy qazanda Semeı qalasyndaǵy túzeý mekemesinde jazasyn ótep jatqan sottalǵan azamattyń qaıtys bolǵany habarlanǵan edi.
Sol kezde sottalǵandardy jappaı basqa mekemelerge kóshirý týraly aqparat taraǵanymen, bul derek rastalmady.
Aıta keteıik, Shymkenttiń túzeý mekemesinde azaptaý isinen soń úsh qyzmetker qamaýǵa alyndy.