Abaı oblysyndaǵy túrmede adam ólimi bolǵany ras - Igor Lepeha

QR Іshki ister mınıstriniń orynbasary Igor Lepeha Abaı oblysyndaǵy túrmede sottalǵandardyń jappaı pyshaqtasqany jaıly túsinik berdi, dep habarlaıdy Kazinform tilshisi.

«Iá, onda (Abaı oblysyndaǵy burynǵy organ qyzmetkerleri otyratyn túrmede - red.) rasymen kisi ólimi boldy. Ol (jazasyn óteýshi - red.) pyshaqty ózi jasap alǵan. Ókinishke qaraı, bul - bizdiń qyzmetkerlerdiń salǵyrttyǵy. Beınebaqylaý kameralaryn qarap shyqtyq. Sol sátte onda eki adam ǵana bolǵan, bóten eshkim joq. Ekeýi de – jazasyn óteýshi, biraq kameralas emes. Oqıǵa kúndiz bolǵan. Basqa egjeı-tegjeıin aıta almaımyn. Bul is boıynsha qylmystyq is qozǵaldy. Bizdiń qyzmetkerler jaýapkershilikke tartyldy. Bul mekeme boıynsha tekseris júrip jatyr», - dedi Igor Lepeha.

Aıta ketsek, Semeı qalasyndaǵy №19 kolonııada UQK tóraǵasynyń eks-orynbasarlary Dáýlet Erǵojın men Ánýar Sadyqulov, UQK Almaty qalasy boıynsha departamentiniń burynǵy bastyǵy Nurlan Majılov jáne qorǵanys eks-mınıstri Murat Bektanov jazasyn ótep jatyr.

Kazinform redaktsııasy osy oqıǵa týraly habar alǵan boıda Abaı oblysy boıynsha QAJD-dan aqparat suraǵan bolatyn. Alaıda, Qylmystyq-atqarý júıesi departamenti bul faktini joqqa shyǵarǵan edi.