Abaı oblysyndaǵy turaqtandyrý qorynda qandaı azyq-túlik satylady
SEMEI. KAZINFORM – Abaı oblysyndaǵy turaqtandyrý qorynda azyq-túliktiń 9 túrin arzandatylǵan baǵamen satyp alýǵa bolady. Óńirde áleýmettik mańyzy bar azyq-túlik taýarlarynyń baǵasyn turaqtandyrýmen «Semeı» ÁKK» AQ aınalysady. Oblystyq turaqtandyrý qoryn qalyptastyrýǵa jergilikti bıýdjetke 2 mlrd teńge bólý týraly tıisti qaýly 2022 jylǵy jeltoqsanda QR Úkimetimen qabyldanǵan bolatyn. Osylaısha, oblystyq turaqtandyrý qorynda satylatyn azyq-túliktiń 9 túri bekitildi.
«Búgingi tańda qorda 5,9 myń tonna ónim bar. Onyń ishinde 914,8 tonna qant, 195,9 tonna kúrish, 189,8 tonna qaraqumyq, 300 myń lıtr ósimdik maıy, 1 044,1 tonna. sábiz, 2 069,3 tonna kartop, 671 tonna pııaz, 948,7 tonna qyryqqabat. Bul áleýmettik mańyzy bar azyq-túlik taýarlarynyń jalpy quny 1,2 mlrd teńgeden asady», - dep habarlady Abaı oblysynyń kásipkerlik jáne ındýstrııalyq-ınnovatsııalyq damý basqarmasynan.
Bul taýarlar Semeı qalasynyń ártúrli bólikterindegi 12 áleýmettik saýda pavılonynda, 10 iri sýpermarkette jáne 50-den astam dúkende satylady. Atap aıtqanda, Jolaman, Qaraǵaıly, Energetık, ıÝnost, Sol jaǵalaý-Kaptorg, Vostochnyı, Qyzyl Kordon, Dalnıaıa, Sol jaǵalaý – ortalyq, Tsemposelok shaǵyn aýdandary qamtylǵan. Turaqtandyrý qorynyń ónimderi naryq baǵasynan 10-15 paıyzǵa tómen baǵamen satylýda.
Qor qoımasyndaǵy taýarlardy únemi jańartyp otyrý jáne olardyń jaramdylyq merziminiń ótýine jol bermeý maqsatynda ónim óndirýshilerden partııalarmen jetkiziledi.
«Agrofırma Prırechnoe» JShS arqyly jalpy kólemi 4,7 myń tonna jemis-kókónis ónimderin Semeı qalasyndaǵy saýda núkteleri men áleýmettik pavılondarda satylady. Sondaı-aq taýyq jumyrtqasynyń baǵasyn turaqtandyrý maqsatynda «aınalmaly shema» aıasynda osy jyldyń basynan «SEMEI QUS» JShS-men kelisimshart jasaldy. Osylaısha, bir danasy 41 teńgeden 1,7 mln dana jumyrtqa satyp alyndy. Budan bólek, aýyl sharýashylyǵy jármeńkeleri arqyly qor ónimderi naryqtyq baǵadan 20%-ǵa tómen satylyp jatyr», - delingen aqparatta.
