Abaı oblysyndaǵy taǵy bir jolda kólik qozǵalysyna tyıym salyndy
SEMEI. KAZINFORM – Abaı oblysyndaǵy joldardyń biri jabyldy.
Oblystyq Tótenshe jaǵdaılar departamenti baspasóz qyzmetiniń málimetine súıensek, aýa raıy qolaısyzdyǵyna, naqty aıtqanda boran men joldyń durys kórinbeýine baılanysty joldardyń biri jabylady.
– Oblystyq mańyzy bar «Dmıtrıevka-Borodýlıha-Shemonaıha» tasjolynyń 72-87 shaqyrymynda (Shemonaıha qalasynan Abaı oblysy shekarasyna deıingi aýmaq) kóliktiń barlyq túri úshin qozǵalys jabylady. Sondyqtan júrgizýshilerdi baǵyttaryn aldyn ala josparlap alýdy suraımyz, - delingen aqparatta.
Osy rette, qutqarýshylar óńir jurtshylyǵyna joldardyń jaı-kúıin «Dármen» mobıldi qosymshasy arqyly bilip otyrýǵa shaqyrdy.
Eske salsaq, osyǵan deıin «QazAvtoJol» ulttyq kompanııasy eldegi joldardyń qazirgi ahýaly týraly habarlaǵanyn jazǵanbyz.
