Abaı oblysyndaǵy taǵy bir aýdanda tótenshe jaǵdaı jarııalandy
SEMEI. KAZINFORM - Abaı oblysy Aqsýat aýdanynda tótenshe jaǵdaı jarııalandy.
Aqsýat aýdandyq jedel shtabtyń kezekti otyrysy ótti. Onda tasqyn sý saldarynan kelgen zalaldy qalpyna keltirý jumystaryn júrgizý maqsatynda aýdan ákiminiń sheshimimen «Azamattyq qorǵaý týraly» QR Zańynyń 48-babyna jáne 50-babyna sáıkes jergilikti aýqymdaǵy tabıǵı sıpattaǵy tótenshe jaǵdaı jarııalady.
- Jıynda qarǵyn sý saldarynan jol qatynasy úzilgen aýyldardy qajetti deńgeıde azyq-túlikpen, basqa da kúndelikti tirshilikke qajettiliktermen qamtý máselesi pysyqtalyp, tıisti sala basshylaryna naqty tapsyrmalar júkteldi, - delingen aqparatta.
Aıta keteıik, keshe Aqsýat aýdanyndaǵy Boǵas ózeninde sý deńgeıi kóterilip ketken. Sonyń saldarynan Ýań aýylynda ornalasqan bóget shaıylyp, turǵyn úılerdi sý basý qaýpi týyndady.
Aýyldaǵy 25 adam, onyń ishinde 5 bala 2 shaqyrym qashyqtyqtaǵy Jantikeı aýylynyń Q.Sátbaev atyndaǵy orta mektebine jetkizildi. 400 bas mal aýyl shetine aıdaldy.
