Abaı oblysyndaǵy shahtada eki jumysshy ýlanyp, bireýi kóz jumdy
SEMEI. KAZINFORM — Abaı oblysyndaǵy Orlov shahtasynda eki jumysshy ýlanyp, bireýi aýrýhanada bara jatqan jolda qaza boldy.
19 naýryz kúni saǵat 10:40 shamasynda Orlov shahtasynyń dıspetcherine eki jumysshynyń zııandy gazdardan ýlaný belgilerimen tabylǵany týraly aqparat tústi.
— Zardap shekkenderdiń biri aýrýhanaǵa bara jatqan jolda kóz jumdy. Medıtsınalyq kómek kórsetilgen ekinshi jumysshynyń qazirgi jaǵdaıy turaqty dep baǵalanyp otyr, — dep habarlady KAZ Minerals tobynyń baspasóz qyzmetinen.
Oqıǵanyń mán-jaıy men sebepteri anyqtalyp jatyr.
— Kásiporynnyń basqarma tóraǵasy Andreı Tretıakov jazataıym oqıǵany tergeýge jeke qatysý úshin Orlov kenishine jolǵa shyqty. KAZ Minerals tobynyń basshylyǵy men ujymy qaza bolǵan qyzmetkerdiń týǵan-týystary men jaqyndaryna shyn júrekten kóńil aıtady. Kompanııa marqumnyń otbasyna jan-jaqty kómek kórsetedi, — delingen aqparatta.
Eske salsaq, osyǵan deıin Kongodo shahta opyrylyp, 200-den astam adam kóz jumǵany habarlanǵan.
