Abaı oblysyndaǵy órt tolyǵymen sóndirildi
ASTANA. KAZINFORM — Abaı oblysy Tarbaǵataı aýyldyq okrýginiń Qazanqamyr ýchaskesinde ashyq aýmaqta, taýly ári jetýi qıyn jerde qurǵaq shóp pen butalar janǵan.
Órtti sóndirý jumystary taýly jer bederi men jekelegen ýchaskelerdiń qoljetimsiz bolýyna baılanysty qıyndady. Bul tehnıkanyń qozǵalysyn jáne órtke qarsy jumystardy júrgizýdi qıyndatty.
Órtti sóndirýge TJM, ETRM, orman sharýashylyǵy, jergilikti atqarýshy organdar men PD-nyń 433 qyzmetkeri jáne 100-den astam tehnıkasy jumyldyryldy. Áýeden barlaý júrgizý jáne órtti sóndirý úshin TJM «Qazavıaqutqarý» jáne UQK Shekara qyzmetiniń eki áýe kemesi tartyldy.
Áýe kemeleri 26 ret sý tókti. Jalpy 71 tonna sý tógildi. Zardap shekkender joq.
Aıta ketelik Tarbaǵataıdaǵy órt toqtatylyp, oshaqtary sóndirilip jatqany týraly jazǵan edik.
