Abaı oblysyndaǵy órt: 400 gektar orman alqaby janyp ketti

SEMEI. KAZINFORM – Abaı oblysyndaǵy órt aldyn ala boljam boıynsha 1200 gektar aýmaqty sharpyǵan. Onyń 800 gektary dala, 400 gektary – orman alqaby. Bul málimetterdi búgin Abaı oblysynyń ákimdigi taratty.

Абай облысындағы өрт
Фото: Абай облысының әкімдігі

Ákimdiktiń derekterine qaraǵanda, Abaı, Shyǵys Qazaqstan jáne Pavlodar oblystarynyń Tótenshe jaǵdaılar departamentteri, oblystyq Polıtsııa departamenti, «Semeı ormany» men «Ertis ormany» mekemeleriniń qyzmetkerleri jáne jergilikti atqarýshy organdar jaǵdaıdy áli de baqylaýda ustap otyr.

Qaraǵandy oblysy men Astana qalasynan qosymsha kúshter men tehnıka kómekke keldi.

Abaı oblysynyń ákimi Berik Ýálı Tótenshe jaǵdaılar mınıstrliginiń ókilderimen birge búgin tańerteń órtten zardap shekken Morozov fılıalynyń Sosnov ormanshylyǵyna tikushaqpen áýeden baqylaý júrgizdi.

-Tikushaqpen órtengen aýmaqtardy muqııat qarap shyqtyq. Órttiń tolyq toqtatylǵanyna kóz jetkizip, eldi mekenderge, turǵyndarǵa qaýipsiz bolýyn baqylaýda ustaımyz,- dedi aımaq basshysy.

Órtti sóndirý jumystaryna 419 adam, 140-qa jýyq tehnıka jumyldyryldy.

Eske salaıyq, keshe tústen keıin Besqaraǵaı aýdanynyń Qoıanbaı aýylynyń shetinde qurǵaq shóp janyp, qatty jeldiń ekpinimen qyzyl jalyn «Semeı ormany» Morozov fılıaly aýmaǵyna taralǵan bolatyn.

Búgin tań ata Tótenshe jaǵdaılar mınıstrliginiń baspasóz qyzmeti Abaı oblysyndaǵy órttiń oqshaýlanǵanyn habarlady.

 

Сейчас читают