Abaı oblysyndaǵy Orlov shahtasynda jumysshy qaza tapty
ASTANA. KAZINFORM — Abaı oblysynyń Borodýlıha aýdanynda ornalasqan Orlov óndiristik kesheniniń shahtasynda taý opyryldy, dep habarlaıdy oblystyq Polıtsııa departamentiniń baspasóz qyzmeti.
Vedomstvo usynǵan aldyn ala málimet boıynsha, úıindi astynda eki jumysshy qalǵan.
— Olardyń biri oqıǵa ornynda kóz jumdy. Ekinshi jumysshy tabylyp, qajetti medıtsınalyq kómek kórsetý úshin medıtsına qyzmetkerlerine tapsyryldy. Atalǵan fakti boıynsha qylmystyq is qozǵaldy. Oqıǵanyń mán-jaıy anyqtalyp jatyr. QR QPK-niń 201-babyna sáıkes ózge aqparat jarııa etýge jatpaıdy, — delingen habarlamada.
Buǵan deıin «Jibek Joly» telearnasyndaǵy «Pravda v detalıah» baǵdarlamasy Kostenko atyndaǵy shahtadaǵy jarylys saldarynan qaza bolǵan 46 adamǵa qatysty kúrdeli istiń aq-qarasyn anyqtap kórdi.
