Abaı oblysyndaǵy muǵalim tanymal ánshi Nıkı Mınajdyń saýnd-prodıýseri boldy
SEMEI. KAZINFORM – Abaı oblysyndaǵy Abaı atyndaǵy mamandandyrylǵan mektep-gımnazııa-ınternatynda bıologııa pániniń muǵalimi bolyp jumys isteıtin Erqanat Sadýhanov álemge tanymal ánshi Nıkı Mınaj albomynyń saýnd-prodıýseri boldy, dep habarlaıdy Kazinform agenttigi.
Oblystyq bilim basqarmasynyń málimetine súıensek, jas pedagog óziniń ustazdyq qyzmetin súıikti isimen qatar alyp júrip, halyqaralyq jobalarda shyǵarmashylyq qabiletin tanytýda. Mýzykalyq álemde ol @eraholic laqapatymen tanymal.
Erqanat Sadýhanov óz paraqshasynda Nıkı Mınajdyń «Pink Friday 2» albomynyń delıýks-nusqasynyń saýnd-prodıýseri bolǵanyn resmı túrde jarııalady. Albomnyń tusaýkeseri 2024 jyldyń 13 jeltoqsanynda josparlanǵan.
Aıta keteıik, Erqanat buryn álemdik juldyzdarmen, atap aıtqanda Dua Lipa, Rosalia jáne Blackpink tobynyń múshesi Lisa-men jumys istegen.
Nıkı Mınaj – álemdegi eń tanymal rep oryndaýshylardyń biri. Ol birneshe marapattyń ıegeri, onyń ishinde ASCAP syılyǵyn «Eń úzdik hıp-hop oryndaýshysy» nomınatsııasynda jeńip alǵan. Sondaı-aq jaqynda Emınemdi ozyp, eń kóp qaralǵan reper atandy.
Osyǵan dein qazaqstandyq ánshi Dınara Kaırgojanyń (Bısenova) brıtandyq Golden time Talent halyqaralyq baıqaýynda birinshi oryndy ıelengenin jazdyq.