Abaı oblysyndaǵy mańyzdy avtojolda qozǵalys ýaqytsha shekteldi
ASTANA. KAZINFORM — Abaı oblysynda jaýyn-shashyn saldarynan joldyń bir bóliginde kólik qozǵalysyna ýaqytsha shekteý engizildi. Júrgizýshilerge baǵyt boıynsha jaǵdaıdy aldyn ala eskerip, saqtyq sharalaryn saqtaý usynylady. Bul týraly QazAvtoJol málim etti.
— 8 shilde saǵat 23:45-ten bastap Abaı oblysynda jaýǵan jańbyrdan jınalǵan sý joldyń ústimen aǵyp, kólik qozǵalysyna qaýip tóndirgen. Osyǵan baılanysty «Qaraǵandy — Aıagóz — Tarbaǵataı — Boǵas» baǵytyndaǵy KAZ15 avtojolynyń 852–900 shaqyrym aralyǵynda barlyq kólik túrleriniń qozǵalysyna ýaqytsha shekteý qoıyldy. Shekteý Qyzyl-Kesik aýylynan Sátbaev aýylynyń burylysyna deıingi ýchaskege qatysty, — delingen habarlamada.
Shekteý qoıylǵan joldar týraly tolyq aqparatty www.qaj.kz saıtyndaǵy «Aqparattyq kartadan» kórýge bolady.
Aıta keteıik, buǵan deıin QazAvtoJol joldardaǵy jańa «aqyldy» kameralardyń ne úshin ornatylyp jatqanyn túsindirdi.
