Abaı oblysyndaǵy qamys órti tolyqtaı sóndirildi
ASTANA. KAZINFORM — Abaı oblysynyń Úrjar aýdanyndaǵy Qarakól aýyldyq okrýginiń Peresheıka ýchaskesinde «Ǵarysh Sapary» AQ geoaqparattyq servısiniń monıtorıngi barysynda órt tutanǵan núkte anyqtalǵan bolatyn. Kól jaǵalaýynda qamys órtke oranǵan edi.
Barlaý barysynda Sasyqkól kóliniń jaǵalaýyndaǵy jetýi qıyn batpaqty aýmaqta shamamen 30 gektar jerde qurǵaq shóp pen qamys órtenip jatqany anyqtalǵan bolatyn.
Búgin Tótenshe jaǵdaılar mınıstrligi Abaı oblysy Sasyqkól kóliniń jaǵalaýynda 42 ga alańdaǵy qurǵaq shóp pen qamys órti tolyǵymen sóndirilgenin habarlady.
Eske sala keteıik, órt shyqqan jerge tehnıka bara almaıtyndyqtan, órtti aýyzdyqtaý qıynǵa soqqan edi. Soǵan qaramastan, TJM qutqarýshylary órtti oqshaýlaýǵa bar kúshterin saldy.
