Abaı oblysyndaǵy garnızonda áskerı qyzmetshi kóz jumdy
SEMEI. KAZINFORM – Abaı garnızonynda jazataıym oqıǵa bolyp, kelisimshartpen qyzmet atqaryp júrgen áskerı qyzmetshi qaza tapty.
Aldyn ala málimet boıynsha, qaıǵyly jaǵdaı áskerı tehnıkamen jumys isteý kezinde bolǵan. Áskerı qyzmetshi alǵan jaraqattan soń kóz jumǵan.
– Kelisimshart negizinde qyzmet atqaryp júrgen áskerı qyzmetshi aýyr jaraqat aldy. Qazirgi ýaqytta oqıǵanyń barlyq mán-jaıyn anyqtaý úshin sotqa deıingi tergeý júrgizilýde. Oqıǵa ornynda quzyrly organdardyń ókilderi jumys istep jatyr, - dep habarlady garnızonnyń baspasóz qyzmetinen.
Vedomstvo málimetinshe, atalǵan derek boıynsha qajetti tergeý sharalary qolǵa alyndy. Mamandar oqıǵanyń sebepteri men mán-jaıyn anyqtap jatyr.
Vedomstvo qaza bolǵan áskerı qyzmetshiniń týǵan-týystary men jaqyndaryna kóńil aıtty.
Eske salsaq, osyǵan deıin Shyǵys Qazaqstanda kóktemde 600-den astam azamat áskerge attanatyny habarlanǵan.