Abaı oblysyndaǵy garnızon ofıtseri kóz jumdy

SEMEI. KAZINFORM – Abaı oblysyndaǵy Aıagóz garnızonyń áskerı qyzmetkeri kóz jumdy. Aıagóz garnızony baspasóz qyzmetiniń málimetine súıensek, oqıǵa 19 qyrkúıekte bolǵan.

«Jumystan tys ýaqytta Aıagóz garnızonyndaǵy áskerı bólimderdiń birinde qyzmet etetin ofıtserdiń denesi úıinen tabyldy. Aldyn ala aqparat boıynsha ofıtser óz-ózine qol jumsaǵan. Oqıǵanyń jaı-japsary anyqtalyp jatyr. Atalǵan fakti boıynsha qylmystyq is qozǵaldy», — delingen aqparatta. 

Qurlyq áskerleriniń qolbasshylyǵy áskerı qyzmetkerdiń týǵan-týystaryna kóńil aıtty.

Eske salsaq, 17 qyrkúıekte Almatyda áskerı qyzmetshi tapanshadan jaraqat alǵany habarlanǵan. 

Búgin de órship turǵan qoǵamnyń máselesi áskerdegi álimjettik týraly saraptama maqalamen tanysqyńyz kelse «Áskerdegi áttegen-aı: Álimjettik qashan joıylady» atty materıalǵa ótseńiz bolady.