Abaı oblysyndaǵy Besqaraǵaı aýylynda «Ǵashyqtar» saıabaǵy ashyldy
Abaı oblysy Besqaraǵaı aýdanynyń ortalyǵynda «Ǵashyqtar» saıabaǵy ashyldy, dep habarlaıdy Kazinform agenttigi.
Oblys ákimdiginiń málimetine súıensek, jańa saıabaq Besqaraǵaı aýdany Besqaraǵaı aýylyndaǵy Áýezov kóshesiniń boıynda ornalasqan.
«Saıabaqta abattandyrý jumystary júrgizildi, onyń ishinde 440 sharshy metr jerge qorshaý ornatyldy. Jaıaý júrginshiler jolyna terek pen 10 kók shyrsha kósheti otyrǵyzyldy», - delingen aqparatta.
Alańda kópir men júrek túrindegi shaǵyn arhıtektýralyq pishin, oryndyqtar men qoqys jáshikteri ornatylǵan. Sondaı-aq saıabaq qýaty 150 Vt bolatyn 6 shammen jaryqtandyrylǵan.
«Ǵashyqtar» saıabaǵynyń ashylýynda jastar nekesin qıdy. Al olarǵa Jetijar aýylynyń qurmetti azamattary aq batasyn berdi.
Aıta keteıik, byltyr Semeıde aspaly kópirdiń astynda demalys orny paıda bolǵan edi. Onda skeıt park, parkýr jáne vorkaýt alańdary bar.
Kópirasty alańy birneshe bólikke bólingen. Strıtbolǵa arnalǵan sporttyq aımaq, fıtnes aımaq jáne balalar oıyn alańy. Alańnyń jalpy aýdany – 3500 sharshy metr. Ertis jaǵalaýyna jaqyn mańda dámhana pavılondary jumys isteıdi.
