Abaı oblysyndaǵy Aıagóz qalasy men Mamyrsý aýyly áli jaryqsyz otyr

SEMEI. KAZINFORM – Abaı oblysy Aıagóz aýdanynda órt saldarynan birqatar eldi meken jaryqsyz qalǵan bolatyn. Qalpyna keltirý jumystaryna qaramastan áli de barlyq úıge jaryq berilmedi.

Qazirgi ýaqytta qosalqy stantsııada qalpyna keltirý jumystary jalǵasyp jatyr. 

- Órt saldarynan birneshe aýdanda – Aıagóz, Maqanshy, Úrjarda elektr qýaty úzildi. Biraq mamandardyń jedel áreketiniń arqasynda kóp aýylda jaryq qaıta qosyldy. Qazirgi ýaqytta sol jerde Úrjar, Jarma aýdandarynyń, Semeı jáne Óskemen qalalarynyń mamandarynan quralǵan 10 jóndeý brıgadasy jumys isteýde. Keshki 21.00-ge qaraı qalpyna keltirý jumystaryn tolyqtaı aıaqtaý kózdelip otyr, - dep habarlady Abaı oblysy ákimdiginen. 

Osy sátte Aıagóz qalasynyń bir bóligi men Mamyrsý aýyldyq okrýgindegi 9,5 myńǵa jýyq adam áli jaryqsyz otyr. 

Al Aıagózdegi alty qazandyqtyń barlyǵy da qalypty jumys istep, qala turǵyndaryn jylýmen qamtamasyz etip tur. 

Eske salsaq, osyǵan deıin Abaı oblysynyń Aıagóz aýdanynda órt saldarynan birqatar eldi meken jaryqsyz qalǵany habarlanǵan.