Abaı oblysyndaǵy Aıagóz aýdany jylýsyz qaldy

SEMEI. KAZINFORM – Abaı oblysynaǵy Aıagóz aýdanynda jylý óship qaldy. 16 qazan kúni saǵat 15:00-de Aıagózdegi jylýmen jabdyqtaý jelisinde apat boldy. D159 ysyrmasy isten shyqqan. Alaıda qazandyqtar jumysyn toqtatqan joq.

Abaı oblysy ákimdiginiń málimetine súıensek, aqaý saǵat 16.00-de tolyqtaı joıylǵan.

«Qazir jylý jelileriniń temperatýralyq parametrleri jınaqtalyp jatyr. Jalpy, aýdanda jylý jelilerin tartý jumystary tolyǵymen aıaqtalyp, jylý magıstraldyq transheıasy toltyrý jumystary júrgizilýde. Barlyq nysan tolyq kólemde jylýmen qamtamasyz etilgen», - delingen aqparatta.

Aıta keteıik, Aıagóz aýdanynda áleýmettik mańyzy bar nysandar 5 qazanda ortalyqtandyrylǵan jylýmen jabdyqtaldy. Turǵyn úıler jylýǵa 15 qazanda qosyldy.

Aıta keteıik, buǵan deıin Saran qalasynyń turǵyndary da jylý berý júıesindegi aqaýdyń kesirinen 4 táýlik tońyp otyrdy. Búgin ǵana qaladaǵy barlyq úıge jylý berildi.