Abaı oblysyndaǵy aýyldarda sport keshenderiniń sany artyp keledi
Abaı oblysyndaǵy aýyldarda dene shynyqtyrý jáne sport keshenderiniń qatary jyl sanap artyp keledi, dep habarlaıdy Kazinform.
Bıyl Aqsýat aýdanynda «Aýyl – el besigi» jobasy aıasynda dene shynyqtyrý jáne sport kesheni ashyldy. Qazirgi tańda keshende balalar men jastar sportpen belsendi túrde aınalysyp júr.
Oblys ákimdiginiń málimetinshe, keshenniń qurylys alańy - 1033,40 sharshy metr. Nysan ishinde boks, voleıbol, júzý, taý sporty jáne qol kúresi bólimderi bar. Bul bólimder barlyq qajetti qural-jabdyqpen jabdyqtalǵan.
«Dene shynyqtyrý jáne sport kesheniniń fýnktsıonaldyǵy ártúrli sport túrlerin qamtıdy, ıaǵnı keshende bokspen 60 oqýshy, voleıbolmen 56 oqýshy, gir kóterýden 14 oqýshy, júzýden 60 oqýshy, qol kúresinen 28 oqýshy jattyǵady. Keshen az ǵana ýaqyt ishinde balalar men jastardyń damýyna múmkindik jasaıtyn ortalyqqa aınaldy», - delingen aqparatta.
Jalpy, 2023 jyly Abaı oblysynda dene shynyqtyrý men buqaralyq sportty damytý jáne nasıhattaý maqsatynda túrli sporttyq is-sharalar ótkizilip keledi. Búgingi tańda óńir boıynsha barlyǵy 1250-ge jýyq sport kesheni bar.
