Abaı oblysynda júrgizýshi kýáligin zańsyz satýmen aınalysqan top áshkerelendi
ASTANA. KAZINFORM — Abaı oblysynyń prokýratýrasy Mamandyrylǵan HQO laýazymdy tulǵalarynyń zańsyz qyzmetiniń jolyn kesti.
Abaı oblysy prokýratýrasynyń nusqaýy boıynsha azamattarǵa emtıhan tapsyrýǵa jáne júrgizýshi kýálikterin alýǵa zańsyz aqshalaı syıaqy úshin járdem kórsetti degen kúdikke ilingen Mamandyrylǵan HQO laýazymdy tulǵalarynyń zańsyz qyzmetiniń joly kesildi.
Júrgizilgen jedel-tergeý is-sharalarynyń nátıjesinde azamattardan júrgizýshi kýáligin alý úshin teorııalyq jáne praktıkalyq emtıhandardan sátti ótkizý maqsatynda zańsyz aqsha alý shemasy anyqtaldy.
Sotqa deıingi tergep-tekserý barysynda Mamandyrylǵan HQO-nyń jekelegen qyzmetkerleri senimdi tulǵalar arqyly júrgizýshi kýáligin aqshalaı syıaqyǵa alýǵa múddeli azamattardy izdeýmen aınalysqany anyqtaldy.
Sonymen qatar, zańsyz shemaǵa deldaldar tartylǵan, olar úmitkerlerge nusqaýlyq júrgizip, teorııalyq emtıhan tapsyrý kezinde durys jaýaptardy alýǵa múmkindik beretin arnaıy tehnıkalyq quraldarmen qamtamasyz etken. Atalǵan tehnıkalyq quraldar alyndy, zattaı dáleldemeler retinde tanyldy.
Júrgizilip jatqan sotqa deıingi tergep-tekserý sheńberinde Abaı oblysy boıynsha UQKD qyzmetkerleri Mamandyrylǵan HQO-nyń laýazymdy tulǵalaryn ustady.
Qazirgi ýaqytta qylmystyq quqyq buzýshylyqtyń barlyq mán-jaılaryn, sondaı-aq oǵan qatysy bar ózge tulǵalardy anyqtaýǵa baǵyttalǵan qajetti tergeý áreketteri júrgizilýde.
Qazaqstan Respýblıkasy Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy.
Abaı oblysynyń prokýratýrasy para berý men para alýdy, sondaı-aq memlekettik kórsetiletin qyzmetterdi zańsyz jolmen alýdy qosa alǵanda, sybaılas jemqorlyqtyń kez kelgen kórinisi zańda belgilengen qylmystyq jaýaptylyqqa ákep soǵatynyn eskertedi.
Sybaılas jemqorlyq quqyq buzýshylyqtardy anyqtaý jáne olardyń jolyn kesý jumystary prokýratýra organdarynyń erekshe baqylaýynda.
Aıta ketelik qaýip tóndirgen júrgizýshiler: 2 myńǵa jýyq kýáliktiń kúshi joıylǵan edi.
