Abaı oblysynda jol qaýipsizdigin arttyratyn 13 lazerlik keshen ornatyldy
ASTANA. KAZINFORM – Abaı oblysyndaǵy «Taldyqorǵan – Qalbataý – Óskemen» respýblıkalyq mańyzy bar avtomobıl jolynda jol qaýipsizdigin arttyrýǵa arnalǵan zamanaýı lazerlik júıe iske qosyldy.
Joba aıasynda Qarakól, Taskesken, Shynqoja, Aıagóz, Úshbıik, Qapan-Bulaq, Jańaózen jáne Qalbataý eldi mekenderiniń mańynda 13 jabdyq jıyntyǵy ornatylǵan.
QazAvtoJol kompanııasynyń málimetinshe, júıe kólik qozǵalysy qarqyndy ýchaskelerde júrgizýshilerdiń nazaryn kúsheıtip, jol-kólik oqıǵalarynyń aldyn alýǵa baǵyttalǵan.
«Lazerlik qurylǵylar júrgizýshilerdiń uzaq joldaǵy sharshaýyn azaıtýǵa jáne ásirese túngi ýaqytta qozǵalys qaýipsizdigin arttyrýǵa kómektesedi. Júıe qaýipti ýchaskelerde júrgizýshilerdiń nazaryn shoǵyrlandyryp, jol jaǵdaıyn jaqsyraq baqylaýyna múmkindik beredi. Bul bastama respýblıkalyq mańyzy bar avtojoldardaǵy qaýipsizdik deńgeıin arttyrýǵa jáne jol-kólik oqıǵalarynyń sanyn azaıtýǵa baǵyttalǵan», – dep habarlady jol salasynyń mamandary.
Joba respýblıkalyq jol jelisinde qaýipsizdikti qamtamasyz etý boıynsha júrgizilip jatqan keshendi jumystar aıasynda júzege asyrylyp otyr.
Aıta keteıik, Abaı polıtsııasy drondardyń kómegimen Alakól tasjolynda baqylaýdy kúsheıtti.
