Abaı oblysynda jol qaýipsizdigi kúsheıtildi: polıtsııa turǵyndardy eskertti

SEMEI. KAZINFORM — Abaı oblysynda aýa raıy kúrt nasharlap, trassalarda qozǵalys shekteldi.

9 jeltoqsan kúni oblys aýmaǵynda qar jaýyp, joldarda kóktaıǵaq paıda boldy. Osyǵan baılanysty polıtseıler trassalarda táýlik boıy baqylaýdy kúsheıtti.

Qazir ShQO baǵytyna jáne Semeı qalasynan Almaty baǵytyna shyǵatyn avtojoldar jabyq. Barlyq sanattaǵy kólik úshin qozǵalys ýaqytsha shekteldi.

— Oblys turǵyndaryn asa qajettilik bolmasa jolǵa shyqpaýǵa jáne qaýipsizdik sharalaryn saqtaýǵa shaqyramyz, — delingen habarlamada.

Aıta ketelik aýa raıyna baılanysty Túrkistan oblysynda júk kólikteriniń qozǵalysy shektelgen edi.