Abaı oblysynda jol apatynan 4 adam kóz jumdy
ASTANA. KAZINFORM — 26 tamyzda saǵat shamamen 15:30-da Semeı–Kýrchatov tasjolynyń 35-shaqyrymynda Chevrolet Nexia jáne Kia Rio markaly eki avtokólik soqtyǵysyp, tórt adam qaza tapty.
Aldyn ala málimetter boıynsha, Chevrolet Nexia avtokóliginiń júrgizýshisi aldynda kele jatqan «Gazel» kóligin basyp ozý kezinde qarsy baǵyttaǵy qozǵalys jolaǵyna shyǵyp ketip, sol jerde Kia Rio avtokóligimen soqtyǵysqan.
— Soqtyǵysý saldarynan kólik quraldarynyń júrgizýshileri men jolaýshylary alǵan dene jaraqattarynan oqıǵa ornynda qaza tapty, — dedi PD Aqparattyq saıasat basqarmasynyń aǵa ınspektory polıtsııa aǵa leıtenanty Mıras Maqsutov.
Derekterge sáıkes, apat saldarynan barlyǵy tórt adam qaza tapty.
Kólik quraldaryn basqaratyn adamdardyń jol júrisi qaǵıdalaryn buzýy, abaısyzda eki nemese odan da kóp adamnyń ólimine ákep soǵý faktisi boıynsha sotqa deıingi tergep-tekserý bastaldy.
Aıta ketelik Pavlodar oblysynda balalardyń qatysýmen bolatyn jol apattary jıilegeni týraly habarlaǵan edik.
