Abaı oblysynda jol apatynan 3 adam kóz jumdy
SEMEI. KAZINFORM – Abaı oblysyndaǵy tasjolda jeńil kólik pen júk kóligi soqtyǵysqan.
Oblystyq polıtsııa departamenti baspasóz qyzmetiniń málimetine súıensek, jol apaty respýblıkalyq mańyzy bar «Omby-Maıqapshaǵaı» tasjolynyń ýchaskesinde bolǵan.
- Toyota Avensis pen Howa kólikteri soqtyǵysty. Jol-kólik oqıǵasy saldarynan Toyota Avensis júrgizýshisi men eki jolaýshysy oqıǵa ornynda kóz jumdy.Túrli dárejede dene jaraqatyn alǵan bir adam aýyr halde Semeıdegi aýrýhanada jatyr, - dep habarlady vedomstvo ókilderi.
Atalǵan fakti boıynsha tártip saqshylary QR Qylmystyq Kodeksiniń 345-baby 4-bóligine (Kólik quraldaryn basqaratyn adamdardyń jol qozǵalysy erejelerin buzýynyń abaısyzda eki nemese odan da kóp adamnyń ólimine ákelip soǵýy) sáıkes sotqa deıingi tergeý amaldaryn bastady.
Eske salsaq, osyǵan deıin Almatyda 6 kólik soqtyǵysyp, 5 adam zardap shekkeni habarlanǵan.