Abaı oblysynda jol apatynan 10 kúnde 8 adam qaza tapqan
ASTANA. KAZINFORM — Abaı oblysynda «Qaýipsiz jol» jedel-profılaktıkalyq is-sharasy bastaldy.
Shilde aıynyń alǵashqy 10 kúninde Abaı oblysynyń joldarynda bolǵan jol-kólik oqıǵalary saldarynan segiz adam qaza tapty. Joldaǵy jaǵdaıdyń kúrdelenýine baılanysty polıtsııa qaýipsizdik sharalaryn kúsheıtip jatyr.
11-16 shilde aralyǵynda Abaı oblysynda, búkil respýblıka aýmaǵyndaǵydaı, «Qaýipsiz jol» jedel-profılaktıkalyq is-sharasy ótkiziledi.
Negizgi maqsat — jol-kólik oqıǵalarynyń aldyn alý, jol qozǵalysy qaǵıdalaryn óreskel buzatyn júrgizýshilerdi anyqtaý jáne jańa qaıǵyly oqıǵalarǵa jol bermeý.
Polıtsııa qyzmetkerleri mas kúıde kólik basqarý, jyldamdyqty asyrý, qarsy qozǵalys jolaǵyna shyǵý, qaýipti manevr jasaý, sondaı-aq memlekettik tirkeý nómirinsiz nemese jalǵan nómirmen kólik basqarý faktilerine erekshe nazar aýdarady.
Sonymen qatar jolaýshylar tasymalynyń qaýipsizdigi men qolaısyz aýa raıy jaǵdaılarynda jol qozǵalysy talaptarynyń saqtalýy kúsheıtilgen baqylaýǵa alynady.
Aıta ketelik Qazaqstandaǵy jol apattarynyń 91%-y júrgizýshilerdiń kinásinen bolady.
